“Sumqayıt”ın düşərgəsinə daha bir oyunçu qoşulub.

Football-plus.az xəbər verir ki, söhbət Kamran Əliyevdən gedir. Kluba yaxın mənbələrdən əldə etdiyimiz məlumata görə, Tula “Arsenal”ından gələn vingerlə razılıq əldə olunsa da, müqavilə ilə məxsus olduğu klubla danışıqlar hələ yekunlaşmayıb. Bu səbəbdən onun “gənclik şəhəri” təmsilçisinə keçidinin alınıb-alınmayacağı yaxın günlərdə məlum olacaq.

Xatırladaq ki, 25 yaşlı futbolçu Azərbaycanda doğulusa da, 4 yaşında ailəsi ilə birgə Rusiyaya köçüb. Karyerası ərzində “Ximki”nin gənclər komandasında, “SKA-Xabarovsk”da və qeyd etdiyimiz kimi, “Arsenal”da çıxış edib. 2021-22-ci illərdə Xabarovsk təmsilçisində üst-üstə 28 matç keçirən Əliyev 4 dəfə fərqlənib. “Arsenal”da isə bir dəfə meydana çıxıb və 1 qolla yadda qalıb. 2018-ci ildə Azərbaycanın U-20 yığmasında iki oyun keçirib. 2020-də isə Rusiya U-20-sinin formasını geyib. Meydana çıxdığı 3 görüşdə bir dəfə fərqlənib. Əliyev Antalyaya “Sumqayıt”ın preidenti Riad Rəfiyevlə birgə yollanıb.

RƏŞAD