“Mahir hücumun sağ cinahında yer alacaq”
Xorvatiya mətbuatında həmyerlimiz Mahir Emrelinin Zaqreb “Dinamo”sundakı perspektivi müzakirə olunur.
Football-plus.az xəbər verir ki, “Sportske novosti”nin əməkdaşının fikrincə, 25 yaşlı hücumçu komandanın hücum əməliyyatlarında həlledici fiqurlardan biri olacaq:
“Mislav Orşiç getdi və indi sol cinahı İvanuşets, Şpikiç, Menalo, Boçkay və hətta Rukavina “qapaya” bilər. Yuxarıda sadalananlardan bəziləri sağ cinahda da oynaya bilər, ancaq burda Mahir Emreli gözə çarpır, toplanışın gedişində onu bu mövqeyə hazırlayırlar. Bizə hətta elə gəlir ki, Ante Çaiç azərbaycanlının şəxsində sağ cinah üçün axtardığını tapıb. Bruno Petkoviç də tezliklə “Dinamo”nu tərk etsə, onda “göylər” hücumun sivri ucunda problemlə üzləşəcəkş Axı belədə təkcə Yosip Drmiç qalacaq. Düzdü, Emreli də hücumun mərkəzində oynaya bilər. Ancaq bir daha təkrar edirik ki, Çaiç onu daha çox hücumun sağ cinahında görür”.
Digər xəbərlər
