Stefan Saviç ilə Ferran Torres başına yaman iş açıb. Onları ağır cəza gözləyir.

“Atletiko”un müdafiəçisi Saviç və “Barselona”nın yarımmüdafiəçisi Torres uzunmüddətli cəza almaq təhlükəsi ilə üzləşiblər. Səbəb onların La Liqanın 16-cı turunun bazar günü keçirilən və “Barselona”nın 1:0 hesablı qələbəsi ilə başa çatan oyununda dalaşmasıdı. Matçın əsas vaxtına əlavə edilən 2-ci dəqiqədə hər iki futbolçu qarşıdurmadan sonra qazona yıxılıb və bundan sonra aralarında dava olub. Hakim rəqib futbolçulara qırmızı vərəqə göstərib. Yerli mənbələrə görə, xüsusi komissiya onların hərəkətlərini hücum kimi qiymətləndirsə, səbəbkarlar 4 oyundan 12 oyuna qədər diskvalifikasiya oluna bilərlər.