"İstəyirik ki, döyüşkən "Mingəçevir" formalaşdıraq"
Birinci divizionun ilk yarısını 13 xalla 13-cü pillədə tamamlayan "Mingəçevir" ikinci dövrənin hazırlıqlarını davam etdirir.
Football-plus.az xəbər verir ki, "işıqçılar" doğma şəhərdə təlim-məşq toplanışı keçirlər. Komandaya 17-21 yaş arası futbolçular axtarılır. Bunun üçün seleksiya xarakterli məşqlər keçirilir. Ümumiyyətlə, "Mingəçevir"in məqsədi birinci divizionun ikinci yarısında iddialı komanda formalaşdırmaqdı. Bunu saytımıza açıqlamasında klubun İdarə heyətinin sədri Ruslan Həmidov söylədi:
"İlk dövrədə özümüzə bənzəmədik. Mingəçevir"ə adına layiq futbol sərgiləmədik. Bunun da bəlli səbəbləri var. Komanda indiyə kimi peşəkar səviyyəli futbol oynamamışdı. Region Liqasında birinci diviziondakı kimi güclü rəqiblər yox idi. Düzdü, həmin vaxt maliyyəmiz də yox idi. Öz gücümüzə oynayırdıq. Amma komandada ruh var idi. Çalışacağıq ki, həmin istəyi geri qaytaraq. Komanda Şəhruz Mustafayevin başçılığında məşqlər keçir. İddialı kollektiv formalaşdırmaq istəyirik. Bilirəm ki, azarkeşlərimiz bizdən küsüb. Amma onlar da bizə güvənməlidilər. Fanatlar bizim baş tacımızdı.
"Mingəçevir" futbolunu azarkeşsiz təsəvvür etmək olmur. Region Liqasında oyunlarımıza 3-4 min adam toplaşırdı. Çünki komanda yaxşı oyun sərgiləyirdi. İndi biz onların inamını qaytarmalıyıq. Bilet satışını və viktorinaları da bərpa edəcəyik. İstəyirik ki, döyüşkən "Mingəçevir" formalaşdıraq. Çempion ola da bilərik. Hələ qarşıda uzun marafon var. Hər oyunda qələbə qazanan kollektiv formalaşdırmağa çalışacağıq".
"Mingəçevir" futbolunu azarkeşsiz təsəvvür etmək olmur. Region Liqasında oyunlarımıza 3-4 min adam toplaşırdı. Çünki komanda yaxşı oyun sərgiləyirdi. İndi biz onların inamını qaytarmalıyıq. Bilet satışını və viktorinaları da bərpa edəcəyik. İstəyirik ki, döyüşkən "Mingəçevir" formalaşdıraq. Çempion ola da bilərik. Hələ qarşıda uzun marafon var. Hər oyunda qələbə qazanan kollektiv formalaşdırmağa çalışacağıq".
İLKİN SULTANLI
Digər xəbərlər
