Aleksander Çeferin UEFA-ya hələ çox rəhbərlik etmək fürsəti qazanıb.

Football-plus.az xəbər verir ki, o, növbəti prezident seçkisində yeganə namizəd kimi iştirak edəcək.

54 yaşlı prezident bununla bağlı fikrini bir neçə ay əvvəl Beynəlxalq İdman Mətbuatı Assosiasiyasının konqresində səsləndirmişdi. Ötən müddətdə ondan başqa namizədliyini irəli sürən olmayıb.

Çeferin UEFA-ya ilk dəfə 2016-cı ildə rəhbər seçilib. 2019-cu ildə keçirilən seçkidə də qalib gələn sloveniyalı funksionerin aprelin 5-nə təyin olunan səsvermədə uğur qazanmaq şansı yüksək dəyərləndirilir. Qeyd edək ki, həmin gün Portuqaliyanın Lissabon şəhərində keçiriləcək UEFA-nın konqresində FİFA Şurasına seçki də nəzərdə tutulub.