[b]Braziliya milli komandasının baş məşqçi vəzifəsinə yeni namizədlərin adları açıqlanıb.

Football-plus.az xəbər verir ki, “Ekip” qəzetinin məlumatında Titenin gedişindən sonra boş qalan posta Zinəddin Zidan, Maurisio Poçettino, Tomas Tuxel və Rafael Benites namizəd göstərilir. Deyilənə görə, Braziliya Futbol Konfederasiyasının rəhbərləri artıq mühüm nailiyyətləri olan əcnəbi mütəxəssisi baş məşqçi kimi görmək istəyir.

Ümumi rəyə əsasən ən yaxşı seçim hazırda yığmaya işsiz olan bir mütəxəssisi təyin etmək olardı. Daha əvəl Karlo Ançelottinin adı Braziliya millisi ilə hallanırdı. Lakin italyan məşqçi “Real” ilə 2024-cü ilə qədər olan müqaviləsinin sonunadək klubda qalmaq niyyətindədi. Həmçinin Xosep Qvardiola da Braziliyanı çalışdırmağa namizəd göstərilirdi. Lakin “Mançester Siti”nin çalışdırıcısı da bu varianta müsbət yanaşmamışdı.