"Futbolçular qələbə qazanmaq üçün hər şey etdilər" - Qurban Qurbanov
Misli premyer-liqasının 18-ci turunda "Qarabağ" səfərdə "Səbail"i 3:0 hesabı ilə məğlub etdi.
Football-plus.az xəbər verir ko, oyundan sonra "Qarabağ"ın baş məşqçisi Qurban Qurbanov qarşılaşma haqda fikirlərini səsləndirib:
"Necə oyundu ki, azarkeş baxımından kasıblıq idi. Bu gün bizimlə idilər. Onlara stadionda olmaq yaraşır. Futbolçularımı təbrik edirəm. İlin son matçı olmasına baxmayaraq, istək, konsentrasiya çox vacib idi. İlk dəqiqədən sona kimi bunu qoruyub saxlaya bildilər. Futbolçular qələbə qazanmaq üçün hər şey etdilər. Mahmud Qurbanova və komandasına uğurlar arzulayıram".
- Komandanın qış fasiləsinə kimi çıxışını necə dəyərləndirirsiz?
- Burda bir-bir hamısını söyləmək mənim üçün asan deyil. Gərək geriyə qayıdım, hansısa oyunu düşünüm. Ümumən futbolçularımın yanvar ayından bu günə kimi ölən çıxışından tam razı qaldım. Çox möhkəm bir il keçirdilər. Bəzi oyunları çıxmaq şərtilə çox istəkli kollektiv gördüm.
- Komandada yolların ayrılacağı futbolçu olacaq?
- Hələ belə bir düşüncə yoxdu.
- Ramil Şeydayev 2022-ci ildə 65 matçda meydana çıxıb. Ondan bu cür performans gözləyirdiniz?
- Mən gözləyirdim. Çünki, onu inanaraq komandaya götürmüşəm. Ramilin fiziki yükləmələri qəbul edəcək orqanizmi var. Oyun baxımından onda xeyli irəliləyiş var. Ramilə inanırdım. Ona görə də çox oyunlarda onu start heyətdə meydana buraxırdım. Onun performansına ancaq sevinirəm. Dayanmalı deyil. Əksinə, gələn il daha da bacarıqlı və istəkli olmalıdı.
- Konfrans Liqasında rəqibiniz olan "Gent" haqda məlumat toplamağa başlamısız?
- Rəqib haqda məlumatım var. Oyunlarını da izləmişəm. Qarşıda vaxt çoxdu. Ola bilər ki, bizimlə oyuna kimi komandada ümumi dəyişikliklər olsun. Qarşıdakı vaxtlarda "Gent"lə daha yaxından tanış olacağıq.
Digər xəbərlər
