6 yaşlı müdafiəçi Benjamen Pavar DÇ-2022 vaxtı Fransa yığmasında ab-havanı korlayırmış.

Football-plus.az xəbər verir ki, əslində yığmanın bəzi futbolçuları çoxdan onu baş məşqçi Didye Deşamın sevimlilərindən biri sayırdı. Həmin bəzi futbolçuların fikrincə, müdafiəçinin oyun səviyyəsi ilə iddia etdiyi status arasında ciddi uçurum var.

Jurnalist Romen Molina iddia edir ki, yığmanın məşqçi korpusu Pavarı tənqid etsə də, o, tənqidləri yaxın buraxmayıb və cavabında kobudluqla yadda qalıb. Bu məqam artıq milli komandanın məşqçilərini qəzəbləndirib. Çünki onlar Pavarın zaman-zaman ortabab oyun sərgiləməsinə baxmayaraq, bir neçə il ərzində daim onu müdafiə ediblər.

Ehtiyat oyunçular skamyasında oturan müdafiəçi komanda yoldaşları haqda yersiz ifadələr işlədib. Xüsusən də belə davranış Argentina ilə final oyununun gedişində qabarıq görünüb. Oyunun gedişində Pavarla Deşam arasındalı münaqişə güclənib, onlar bir-birinin ünvanına ağır ifadələr işlədiblər. Pavarın işə münasibəti Fransa yığmasının paltardəyişmə otağında zəhərli atmosfer yaradıb. Bundan başqa, yığmanın bəzi oyunçuları belə hesab edirlər ki, Pavar yaxın münasibətdə olduğu tanış jurnalistlərə paltardəyişmə otağından informasiya sızdırıb.

“Bavariya”nın müdafiəçisi “üçrənglilər”in Avstraliyaya qarşı keçirdiyi oyunda (4:1) start heyətində olub və 89 dəqiqə oynayıb. Turnirdəki qalan oyunlarda ehtiyatda qalıb və heç sonradan da meydana buraxılmayıb.