Gilyermo Oçoa 3 ildən sonra Avropaya qayıdır. Meksika millisinin kapitanı karyerasını İtaliyada davam etdirəcək.

“Football Italia” portalının yaydığı xəbərə görə, 37 yaşlı qapıçı “Salernitana” ilə razılığa gəlib. 2019-cu ildən formasını daşıdığı “Amerika” ilə müqaviləsinin müddəti başa çatan Oçoa A seriyasında çıxış edən komandaya azad agent kimi keçəcək. Onunla müddəti mövsümün sonuna qədər nəzərdə tutulan müqavilə bağlanacağı bildirilib.

Qeyd edək ki, Oçoa peşəkar karyerasına 2004-cü ildə məhz sonuncu klubu “Amerika”da başlayıb. 2011-ci ildə Avropaya üz tutan futbolçu “Ayaçço” (Fransa), “Malaqa” (İspaniya), “Qranada” (İspaniya) və “Standard”da (Belçika) oynayıb.