Laurentsiu Regekampf: "Bu gün fərqli oynamağa qərar verdim"
Azərbaycan kubokunun 1/4 final mərhələsinə yekun vurulub.
"Neftçi" "Zirə"ni məğlub edib - 3:1. Oyundan sonra "ağ-qaralar"ın baş məşqçisi Laurentsiu Regekampfın mətbuat konfransı keçirilib. Sizi mütəxəssisin fikirləri ilə tanış edirik:
"Biz tərəfdən mükəmməl oyun oldu. Oyunçularım nə tapşırıq vermişdimsə, yerinə yetirdilər. Ortadakı kombinasiya oyununu üstün tutaraq, çalışdıq ki, "Zirə" qapımıza yaxınlaşmasın. Ona görə futbolçulara tapşırmışdım ki, ikinci topları qazanaq. Analizdən sonra gördüm ki, onlar çox top itirir. Bununla da qol vurmağa şansımız çox olacaq. Demək olar ki, ilk matçda oynadığımız oyunun əksini oynadıq. İlk qarşılaşmada oyun bizim nəzarətimizdə olduğu zaman əks-hücumdan qol buraxmışdıq. Bu gün fərqli oynamağa qərar verdim. Ola bilsin ki, fanatlar üçün gözəgəlimli olmadı. Amma bizim bugünkü görüşdə məqsədimiz o deyildi".
- "Neftçi" sanki ən yaxşı oyununu oynadı. Halbuki itkiləriniz var idi. Sizcə, buna qədər niyə mükəmməl oynaya bilmirdiz?
- Mövsümün geridə qalan hissəsini analiz etmək lazımdı.
- Mamadu Mbocu yola saldınız. Nə baş verdi ki, onunla yolları ayırdınız?
- Məsələnin nə olduğunu dəqiq bilmirsiz. Ona görə düşünrsüz ki, iki oyun qalmış getdi. Heç bir problem yox idi aramızda. Hər iki tərəfin razılığı ilə müqaviləyə xitam verildi. Ona uğurlar arzulamaq istəyirəm.
- Yerli gəncləri meydana daxil edib, sonradan çıxaranda pis təsir edir. Ağadadaş Salyanskidə də bu baş verdi. Onu necə hazırlayacaqsız?
- Bu, mənim işimdi. Ona görə mənə maaş verirlər. Bu gün kubok oyunu idi. Oyunçunun marağına nəzər yetirmirdik. Təzyiq böyük idi. Həmin an o qərarı verməli oldum ki, komandaya xeyirli olsun. Gənc oyunçular dərk etməlidilər ki, əsas komanda əsas komandadı. Mənim üçün yaş önəmli deyil. İstəyirəm hər bir futbolçu meydana daxil olanda uğurlu nəticələr əldə etsin.
- Yeqo Boqomolskini tez-tez start heyətində oynatmaq lazım deyil?
- Onun özündən asılıdı. Bu cür oyunlar nümayiş etdirəndən sonra start heyətində meydana çıxmağa layiq olacaq. Hər gün hər oyunçu üçün çağırışdı.
- Rumıniya mətbuatı sizinlə bağlı məlumat paylaşıb ki, "Universitatya Krayova"ya gedirsiz, klub prezidenti ilə razılaşmısız...
- Sizə bundan əvvəlki vaxtlarda da demişəm ki, bu cür söz-söhblət başa çatacaq. Burdayam, müqaviləm var.
- Niyə belə söz-söhbətlər çıxır?
- Yazılanlar mənə təsir edə bilməz. Azərbaycan mətbuatında da çıxmışdı Buqatti məsələsi. Sizin hamınız hüququdu, istədiklərinizi yazasaz. Bu cür şeyləri şərh etmədən keçirəm.
- Belə məlumat var ki, "hara getsəm, Emin Mahmudovu özümlə aparacam" demisiz. Bu, doğrudu?
- Mən bu cür deməmişəm. Eminin də sahibi deyiləm, "Neftçi"nin oyunçusudu. O da özü-özünün sahibidi. Bəli, onu bəyənirəm futbolçu kimi. Bu cür söz deyə bilmərəm. Siz yaxşı bilirsiz ki, transferlər media yolu ilə olmur.
Digər xəbərlər
