Keyta “sülh”ün səbəbini açıqladı
"Zirə" səfərdə "Şamaxı"nın ciddi müqavimətiylə üzləşdi və oyun qolsuz başa çatdı.
Football-plus.az xəbər verir ki, qonaqların heyətində Hamidu Keyta xüsusilə seçilirdi. Matçla bağlı niderlandlı futbolçunun fikrini öyrəndik:
"Çətin qarşılaşma oldu. "Şamaxı" çox əzmkar və aqressiv oynadı. Rəqib ən azı 1 xal qazanmaq üçün mübarizə aparırdı, yaxşı da müdafiə olundu. Məncə, bütün oyunu ikinci yarıdakı kimi istəkli olsaydıq, qalib gəlmək şansımız çox olacaqdı. Alınmadı, amma ruhdan düşmürük. Qarşıda bizi kubokda "Neftçi"ylə cavab, premyer-liqada isə "Kəpəz"lə ağır matçlar gözləyir. Maksimum nəticə göstərməyə çalışacağıq".
ABDULLA İSMAYILOĞLU
Digər xəbərlər
