Şəhriyar Əliyev: “Etiraf etmək lazımdı ki, "Şamaxı"nın qapıçısı...”
Dünən Azərbaycan Kubokuna start verildi.
Diqqət çəkən qarşılaşma "Şamaxı" ilə "Turan Tovuz" arasında baş tutdu. Matç qonaqların minimalhesablı qələbəsiylə başa çatdı. Oyundan sonra "boz qurdlar"ın kapitanı Şəhriyar Əliyevin fikrini öyrəndik. Təcrübəli müdafiəçi “Football-plus.az” saytına bunları söylədi:"Çox çətin oyun olacağını bilirdik. "Şamaxı"nı çempionat görüşlərinə əsasən yaxşı təhlil etmişdik. Son 2 turda həm bizə, həm də "Sumqayıt"a qarşı yaxşı oyun sərgiləməklə qələbə qazanmışdılar. Qısası, komanda hazırda yüksəlişdədi. Ona görə də oyunboyu rəqibə real qol epizodu verməməyə çalışdıq. Maksimum topa nəzarət etməklə əlimizə düşən fürsətlərdən istifadə etmək istədik. Bir neçə real qol vəziyyət yaxalasaq da, yalnızı biri qolla nəticələndi. Etiraf etmək lazımdı ki, "Şamaxı"nın qapıçısı Rəşad Əzizli də yaxşı qurtarışlar etdi. Qələbə qazanmağımıza görə sevinirik. İndi növbəti rəqimizin kim olacağını gözləyəcəyik".
ABDULLA İSMAYILOĞLU
Digər xəbərlər
