Beləliklə, sabah Misli premyer-liqasının 2022/23 mövsümü başlayıb.

Turnir 1992-ci ildən keçirilən çempionatların tarixində 31-ci olub. Premyer-liqada 10 komanda mübarizə aparır. Onlardan ikisi ölkə çempionatlarının daimi iştirakçılarıdı. “Qarabağ”la “Neftçi” indiyədək 30 mövsümün hamısında iştirak edib. Oyun sayında da bu iki komanda şərikli rekordçudu. Toplanılan xallara (qələbəyə görə 3 xal prinsipi ilə) görə isə ağdamlılar bakılıları qabaqlayır. Həm mövsüm, həm oyun, həm də xal sayında 3-cü yerdə vaxtilə “Xəzər Universiteti”, “İnter” və “Keşlə” adlarını daşıyan “Şamaxı” qərarlaşıb. 2022/23 mövsümündə yalnız bir debütant olacaq. Bu “Turan Tovuz”du. Tovuzun premyer-liqadakı ikinci komandası kimi tarixə düşəcək bölgə təmsilçisi ilk dəfə güclülər sırasında olacaq. Uzun müddət sonra premyer-liqanın rəsmi sponsoru olun. “Misli” bu öhdəliyi üzərinə götürüb. Bu səbəbdən də çempionatın 2022/23 mövsümü Misli premyer-liqası adlanır. Bu da cari “futbol ili”ni maraqlı edən məqamlardandı.

İlk oyun günündə bir qarşılaşma keçirilib. “Kəpəz” “Dalğa Arena”da “Zirə”ni qəbul edib. Görüş “CBC Sport” telekanalı vasitəsiylə canlı yayınanıb.

Misli premyer-liqası
1-ci dövrə, 1-ci tur
5 avqust
Kəpəz - Zirə 1:2
Qollar: Mixeil Erqemlidze, 45+1 - Məhəmməd Hamdaui, 32, Sertan Taşkın, 90+4
“Kəpəz”in bu rəqiblə ev oyunlarının balansı: 6:+3=2-1, 6-4.
2015/16 - 1:1, 2:0; 2016/17 - 2:0, 1:0; 2017/18 - 0:3, 0:0.
Cəzalı: Hamidu Keyta (Zirə).
“Futbol+”in proqnozu: 30-30-40.
Bakı. Dalğa Arena. Saat 19.30

İLKİN SULTANLI