Didye Deşamın Fransa millisinin baş məşqçisi kimi aqibəti böyük ölçüdə müəyyənləşib.
Football-plus.az xəbər verir ki, o, 2024-cü ildə Almaniyada keçiriləcək Avropa çempionatının sonuna qədər vəzifəsində qalacaq.
“Le Parisien” qəzetinin yaydığı xəbərə görə, Fransa Futbol Federasiyası (FFF) Deşamla yeni müqavilə ilə bağlı razılığa gəlib. Yeni sözləşmənun müddəti 2 illiyə nəzərdə tutulub. Deşamla müqavilə DÇ-2022-dən sonra yenilənəcək. Milli komandanın mundialdakı nəticəsinin yeni müqaviləyə təsirinin olmayacağı da bildirilib.
Deşam Fransa yığmasını 2012-ci ildən çalışdırır. Komanda onun rəhbərliyi altında 2018-ci ildə dünya çempionu, 2021-ci ildə isə Millətlər Liqasının qalibi olub.