Bu gün Misli premyer-liqasının 17-ci turunda "Kəpəz""Sabah"la heç-heçə edib - 2:2.

Football-plus.az xəbər verir ki, matçdan sonra keçirilən mətbuat konfransında "bayquşlar"ın baş məşqçisi Murad Musayev oyun haqda fikirlərini səsləndirib:

- “Sabah” son oyunlarda xallar itirir və qırmızı vərəqələr alır. Demək olarmı ki, komanda fiziki hazırlığının pikini aşıb?
- Bunun vərəqələrlə əlaqəsi nədi? İlk qırmızıda nizam-intizam pozuntusu var idi. “Səbail”lə görüşdə qapıçının texniki səhvi oldu. Bugünkü vərəqə isə tamamilə yox idi. Top meydandan çıxmışdı. Yan xətt hakimi buna işarə edirdi. 4-cü hakim isə davam etməsini dedi. Oyunu davam etdirdikdən sonra rəqib oyunçumuzu itələdi və bizim futbolçumuza qırmızı vərəqə göstərildi. Fiziki durum pis olsaydı, son dəqiqələrdə qollar vurmazdıq.

- Meydanda öyrəşdiyimiz “Sabah”ı görmədik. Bunun səbəbi nə idi? Komanda oyuna köklənə bilməmişdi?
- Bəzi oyunlarda daha yaxşı olmuşuq. Səbəblər var. Birincisi rəqibin kompakt müdafiə olunmasıdı. Bu gün daha sürətli oynamalı idik. Keçidlərimiz daha tez olmalı idi. Bunlar hamısı yekun nəticəni müəyyənləşdirdi.

- Aleksey Kaşuk son oyunlarda elə də görünmür. Bunun səbəbi nədi?
- Bu gün qol vurdu, qol ötürməsi verdi. Bu, azdı sizin üçün?

- Oyunda çox ləng görünür...
- Məncə, hər hansı problem yoxdu.

- Gəncə Azərbaycanda futbol şəhəri sayılır. Burdan hansı təəssüratlarla ayrılırsız?
- Gəncədə atmosfer çox yaxşıdı. Şəhər də çox gözəldi, görünən dağları da. Stadionla bağlı isə nəsə etmək lazımdı. Paltardəyişmə otaqları yoxdu. Konteynerdə dəyişmişik. Bircə müsbət hal ot örtüyüdü. Gəncə futbol tarixi ilə məşhurdu. Bunu inkişaf etdirmək üçün daha da nələrsə etmək lazımdı.

- Mərkəz müdafiəçiləriniz sürətli oyunçulara qarşı çətinlik çəkir...
- Razıyam. Şuaybu çox yaxşıdı. Bu gün ona həddindən artıq hörmət etdik. Belə qollar buraxmaq olmaz. Səhvlərimizin üzərində işləyəcəyik.

- “Səbail”, “Şamaxı” və “Kəpəz” – 3 autsayderlə matçda xallar itirmisiz. Bu, çempionluq mübarizəsində ağır zərbə deyil?
- Kim dedi ki, biz çempionluq uğrunda mübarizə aparırıq?

- Elə qəbul edirik...
- Çox oyunçularımızın çempionluq mübarizəsi təcrübəsi yoxdu. Klubumuz gəncdi, yeni-yeni qurulur. Bura gəlməyimiz nizam-intizam və üzərimizdə işləməklə olub. Bunda bir qədər axsama olanda özünü göstərir. Bilirdim ki, enişli-yixuşlu olacaq. İşləməliyik. Bütün rəqiblər bizə qarşı yaxşı köklənir.

- Klub prezidenti Maqsud Adıgözəlov deyib ki, uğurlu nəticələrin tək səbəbi Murad Musayev deyil. Sonradan bu, mediada müzakirə olundu. Həmin müsahibə ilə nəticələrdəki enişin əlaqəsi ola bilərmi?
- O, mətbuata müsahibəni Azərbaycan dilində verib. Mən müsahibəni oxumamışam. Ona görə də detallı bilmirəm. Mətbuatdan uzaq qalıb, məşqçi kimi işimizə köklənmək istəyirik. Onun dediklərində həqiqət var. Biz məşqçi kimi işimizi görürük. Ancaq uğur üçün bütün faktorlar əhəmiyyətlidi".