Portuqaliya yığması dekabrın 10-da Mərakeşə məğlub olsa (0:1) da, komandanın bəzi oyunçuları ertəsi gün vətənə qayıtmayıb.

Football-plus.az xəbər verir ki, bu barədə Portuqaliya Futbol Federasiyası məlumat yayıb.

10 futbolçu milli komanda ilə Lissabona qayıtmayıb. Onlar dünya çempionatının keçirildiyi Qətərdə qalıblar. Kriştiano Ronaldo, Ruy Patrisio, Rafael Gerreyro, Rafael Leao, Bruno Fernandeş, Mateus Nunyeş, Ruben Neveş, Bernardo Silva, Joao Kanselo və Dioqo Dalot ailələri ilə birlikdə daha bir neçə gün Qətərdə qalmaq icazəsi alıblar.

Onu da əlavə edək ki, Nunu Mendeş ilə Danilo Pereyra artıq bir neçə gün əvvəl zədə səbəbindən Qətəri tərk edərək Fransada müalicə olunmağa başlayıblar.