Azərbaycan Kikboksinq Federasiyasının (AKF) 2022-ci il üçün son yarışı başa çatıb.

Football-plus.az xəbər verir ki, 2023-cü il üçün milli komandaların heyətini müəyyənləşdirmək baxımından dekabrın 6-dan təşkil edilən yeniyetmə, gənclər və böyüklər arasında Respublika Kubokunun son günündə Qala Gecə təşkil edilib.

Yarışdan əvvəl hakimlər və komandalar zala dəvət olunub. Daha sonra AKF-nin prezidenti Orxan Əliyev Bakı İdman Sarayına toplaşmış tamaşaçılar qarşısında çıxış edib. O, 2022-ci ildə Azərbaycanda kikboksinq nəticələrinin daha da yaxşılaşdırılmasından danışıb. O.Əliyev bildirib ki, İslamiadada göstərdikləri nəticəyə görə meydan sahibi Türkiyə və Qazaxıstandan sonra 3-cü yeri tutmaları, yeniyetmə və gənclərin dünya, böyüklərin Avropa çempionatında medalların sayının rekord səviyyəyə çatması kikboksinqin Azərbaycanda inkişafda olmasının göstəricisidi.

Bundan sonra Hakimlər Kollegiyasının sədri Fəxrəddin Quliyev federasiya prezidenti qarşısında məruzə edərək yarışın keçirilməsi üçün heç bir problemin olmadığını bildirib. Beləliklə, 10 seçilmiş final döyüşünə start verilib. İlin son yarışının qalibləri aşağıdakı idmançılar olub. Komanda hesabında DİN İC birinci yeri tutub:

Lou kik
-51 kq Sübhan Məmmədov ("Ağcabədi Birlik" İK)
-57 kq Murad Nuruzadə (DİN İC)
-60 kq. Amin Quliyev (DİN İC)
-63,5 kq. Qiyas Şahmərdanov (ZV İK)
-67 kq. Arzuman Qədimov ("Naxçıvan" İK)
-75 kq. Elxan Əliyev ("Samux" İK)
-81 kq. Elcan Alkişiyev ("Sərhədçi" İK)

Ful kontakt
-60 kq. Əsgər Rəhimov ("Qarabağ" İK)
-63,5 kq. Fərid Ağamoğlanov (DİN İC)
-81 kq. İlqar Zeynallı (FHN İSM)

Qeyd edək ki, yarışı izləyənlər arasında Milli Məclisin sədr müavini, AKF fəxri prezidenti Adil Əliyev, I vitse-prezident Ramal Aslanov və vitse-prezident Ədalət Kazımov olub.