"Hədəfimiz qalib gəlməkdi” - "Kəpəz"in hücumçusu
"Kəpəz"in hücumçusu Mixeili Erqemlidze “Şamaxı” ilə oyun öncəsi klubun mətbuat xidmətinə açıqlama verib.
"Football-plus.az" xəbər verir ki, forvard səfər matçında qələbə qazanmaq istədiklərini bildirib:“Çətin oyun olacaq. Bizim üçün əsas olan qələbə qazanmaq və yolumuza inamla davam etməkdi. Belə olacağına ümid edirəm. Yaxşı hazırlaşmışıq. Əhval-ruhiyyəmiz də yaxşıdı. Bundan öncə kubokda mərhələ adlamaqla azarkeşlərimizi sevindirmişik. Bunun ardını gətirmək istəyirik.
Komandamızda kimin qol vurmasının əhəmiyyəti yoxdu. Vacib olan qələbə qazanmağımızdı. Bilmirəm, səfər oyununda oynamaq şansı əldə edəcəm, ya yox. Buna baş məşqçi qərar verir, bizim işimiz isə tapşırıqları yerinə yetirməkdi. Meydana çıxmaq imkanım olsa, komandanın uğuru üçün əlimdən nə gəlirsə, edəcəm. Hava soyuq olacaq deyirlər. Fərq etməz, hədəfimiz qalib gəlməkdi”.
Bu gün keçiriləcək "Şamaxı" - "Kəpəz" oyunu saat 14.00-da start götürəcək.
Digər xəbərlər
