Musa Qurbanlı: “Çalışacağıq ki, müsbət nəticələrlə millətimizi sevindirək”
“Yoxlama görüşlərindən öncə son 3 oyunda qələbə qazanmışdıq. Həmin qarşılaşmaların motivasiyası, inamı ilə son 2 matçı qa qalib başa vurduq. Oyunlar bizim üçün yaxşı alındı”.
Bu sözləri “Football-plus.az” açıqlamasında Musa Qurbanlı dedi. “Qarabağ”ın forvardı yığmanın ardıcıl 5 oyunda qələbə qazanmasına münasibət bildirdi:“Əlbəttə, nəticə ürəyimizcə oldu. Elə oyun planında da hər şey yaxşı idi. Düşünürəm ki, komanda olaraq meydanda öz bcarığımızı ortaya qoya bildik. Hücum futbolu oynadıq, təhlükəli həmlələr, pressinq etdik. Düşünürəm ki, oyunlarımız yaxşı alındı. Bunun da nəticəsi kimi qələbə qazandıq. İnşallah, çalışacağıq ki, bu tempi ən azı saxlaya bilək. Əlbəttə, qələbələr sıralandıqca, istər-istəməz özünəinam artır. Xüsusən də bizim üçün. Çünki bizə bu qələbələr çox vacib idi. Qələbə sarıdan bir az kasadlıq var idi. İndi şükürlər olsun ki, ardıcıl 5 oyunda qələbə qazandıq. Bu da özünəinam baxımından vacib amildi. Çalışacağıq bu inamı saxlaya bilək ki, gələcək oyunlarda da bunu meydanda göstərə bilək. İnşallah, seçmə mərhələdə də əlimizdən gələni edəcəyik. Əsas odu ki, istək var, meydana istəkli çıxırıq, vuruşuruq. Düşünürəm ki, bu oyunlar bizə təkan verəcək. Baxmayaraq ki, seçmə mərhələdəki rəqiblərimiz kifayət qədər güclü, ağır komandalardı. Amma yenə çalışacağıq ki, müsbət nəticələrlə millətimizi sevindirək”.
ŞAİR ABDULLA
Digər xəbərlər
