21 yaşadək futbolçulardan ibarət milli komandamız AÇ-2023-ün seçmə mərhələsi çərçivəsində Estoniyaya qarşı 3:0 hesabı ilə qələbə qazandı.

Bu yığmamızın qrupdakı ilk qalibiyyətdi. Bildiyiniz kimi qələbənin əsas memarlarından biri də Musa Qurbanlıdı. "Qarabağ"ın futbolçusu qarşılaşmada 2 qolla yadda qaldı. Buna görə də, gənc hücumçu ilə danışıb matç və uğurlu çıxışı barədə fikirlərinmək istədik. Qurbanlının "Football-plus.az" saytına açıqlaması belə oldu:

"Oyuna diqqətli hazırlaşmışdıq və qələbə qazanmağı da çox arzulayırdıq. Evdə keçirdiyimiz son matçımız idi. İlk qələbəmizi qazanmaq üçün çox istəkli idik. Düşünürəm ki, yaxşı oyun keçirirdik. Son dəqiqəyədək çox intizamlı və diqqətli oynadıq. Şükürlər olsun ki, qalib gəldik. Komandaya qələbə qazanmaqda kömək etməyim xoş oldu. Bu qarşılaşma artıq geridə qaldı. Qələbə bizə qarşıdakı görüşlərdə əlavə motivasiya olacaq. Önümüzdəki oyunlarda da əlimizdən gələni edib yaxşı nəticə qazanmağa çalışacağıq".

SƏNƏM FƏRHADOVA