Asif Bağırov İTV-dən dəvət gözləyirmiş...
Vaxtilə ANS telekanalının efirində Çempionlar Liqasının oyunları canlı yayınlanırdı.
Football-plus.az xəbər verir ki, qarşılaşmaları şərh edənlərdən biri də Asif Bağırov idi. Sabiq həmkarımız son dəfə İTV tərəfindən Avropa çempionatının ötən il Bakıda keçirilən oyunlarının şərhinə dəvət almışdı. Gözləmək olardı ki, onu mundialın oyunlarına da cəlb edəcəklər. Amma...
Dünən əlaqə saxladığımız Bağırov məsələ ilə bağlı bunları söylədi:
"Dünya çempionatının oyunlarını şərh etmək üçün təklif gözlədim. Amma dəvət gəlmədi".
Asif bəy hazırda İTV-nin efirində yayınlanan oyunların şərhiylə bağlı da fikrini bildirdi:
"Elə hazırda İTV-də canlı yayınlanan Almaniya - Yaponiya matçına baxıram. Şərhlər pis deyil. Mənim yeganə narazılığım kabel televiziyasında "Matç TV" və "TRT 1" kanallarının siqnallarının dayandırılması ilə bağlıdı. Futbolsevərlərin oyunları həmin kanallar vasitəsiylə izləməyə haqqı var və bunun üçün pul da ödəyirlər. Ona görə də yayın bərpa olunmalıdı".
ABDULLA İSMAYILOĞLU
Digər xəbərlər
