“Bu, adi yoldaşlıq oyunları da olsa, qalib gəlmək istəyirik. Şotlandiya ilə qarşılaşmanın ilk yarısında inanılmaz oynadıq. Hətta fasiləyə 3:0-la da yollana bilərdik. Ştefan Kuntsu hər birimiz çox sevirik. Farer adalarına məğlubiyyətdən sonra onun çox üzgün oluğunu gördüm və təsəlli verməyə çalışdım. Həmin gün hava şərtləri, heyətdəki çatışmazlıqlar məğlub olmağımıza gətirib çıxardı. Amma əsas odu ki, C liqasından B liqasına yüksəldik. Bəzən həddən artıq tənqid olunuruq. Bu komandada çoxlu gənc oyunçu var. Onlar üçün bu cür durumların öhdəsindən gəlmək çətin olur. Fanatlar həmişə arxamızda durmalıdı. Budəfəki toplanışda hər kəsin çox motivasiyalı olduğunu gördüm. DÇ-yə qatıla bilməsək də, artıq bunu geridə qoymuşuq. Geriyə yox, irəliyə boylanmalıyıq. Martda AÇ-2024-ün seçmə mərhələsinə uğurlu başlamaq çox önəmlidi. Bunu bacarsaq, final mərhələsinə mütləq vəsiqə qazanacağıq. İtaliya çempionatında “Napoli”dən çox geri düşmüşük. Onlar bu mövsüm komanda şəklində inanılmaz performans sərgiləyirlər. Amma mövsümün bitməsinə hələ çox var. Çox şey dəyişə bilər. Həvəsdən düşmürük. DÇ-dən sonra ilk oyunumuzu məhz elə “Napoli”yə qarşı keçirəcəyik. “İnter”dəki durumumdan razıyam. Taktiki baxımdan inkişaf etdiyimi düşünürəm. Həm hücuma, həm də müdafiəyəmeyilli oynayıram. “Barselona” ilə matçda “6” nömrə mövqeyində oynasam da, qol vurdum. Ümumiyyətlə, mərkəzdə özümü çox rahat hiss edirəm. ÇL-də püşkdən narazı qala bilmərik. Düzdü, “Portu” çətin rəqibdi. Amma digər klublarla müqayisədə püşk üzümüzə gülüb. Arda Gülər məsələsinə gəlincə, həmin mətbuat konfransından sonra insanların məni tənqid etməsini təəccüblə qarşıladım. Mən o sözləri yaxşı niyyətlə demişdim. Yoxsa hansısa məşqçiyə göstəriş vermək mənə yaraşmaz. Zatən Jezuş özünü sübut etmiş, güclü və təcrübəli məşqçidi. Sadəcə, öz fikrimi bildirdim ki, gənc oyunçular şans qazanmalıdı. Məsələn, bundesliqada Musiala, Nkunku kimi gənclərə daim şans verilir. Futbolçu gözü ilə baxaraq bunu dedim. Mən bütün məşqçilərə hörmətlə yanaşıram. Jezuş hər gün məşqdə Ardanı görür. Mən isə görə bilmirəm. Bəlkə də onun fərqli düşüncəsi var. Bəlkə də daha çox qüvvətlənməsini istəyir. Amma mən öz sözümlə məşqçini tənqid etmək istəmədim. Sadəcə, demək istədim ki, belə oyunçuların daha çox oynaması onların da xeyrinədi”.