Lennon gözlənilən qərarı verdi
Aaron Lennon karyerası ilə bağlı gözlənilən qərarı verib. İngiltərə millisinin sabiq oyunçusu peşəkar futbolçu həyatını başa vurub.
Football-plus.az xəbər verir ki, 35 yaşlı yarımmüdafiəçi bu haqda özünün “tvitter” hesabında məlumat yayıb:
“Nəhayət, qərara gəldim ki, butslarımı asmaq vaxtıdı. Bütün variantları ölçüb-biçdikdən sonra onların artıq mənə və gənc ailəmə uyğun olmadığımı hiss etdim. Bu, çox çətin bir qərar idi. Çünki futbol 3 yaşımdan mənim həyatım olub. Son 20 ildə ən yüksək peşəkar səviyyədə oynamaq heyrətamiz idi. Həyatımın növbəti mərhələsi üçün həyəcanlıyam və bundan sonra sevdiklərimlə daha çox vaxt keçirəcəyəm. Futbol dünyası, sizə ürəkdən təşəkkür edirəm”.
Lennon karyerası ərzində “Lids”, “Tottenhem”, “Everton”, “Bernli” və “Kayserispor”un formasını geyib. O, daha çox 10 mövsüm keçirdiyi (2005-15) “Tottenhem”dəki oyunu ilə tanınıb. Lennon sonuncu klubu “Bernli”dən bu yay ayrılmışdı. Onun 2006-13-cü illərdə İngiltərə millisində 21 oyun keçirdiyini də bildirək.
Digər xəbərlər
