''Fənərbaxça''nın yarımmüdafiəçi İrfan Can Kahveci dünən ''Sivasspor'' üzərində qazanılan qələbənin ardından ''instaqram'' səhifəsinin hekayə bölümündə maraqlı paylaşım edib.

Oyunla bağlı paylaşımlar edən İrfanın Ezcan Alioski ilə olan şəklinin üzərində yazdığı ifadə diqqət çəkib. Şəkil Kahvecinin Alioskini penalti qazanması münasibəti ilə təbrik edərkən çəkilib. 27 yaşlı türkiyəli futbolçu bir müddət öncə Karles Puyolun İker Kasilyasa yazdığı və futbol dünyasında birmənalı qarşılanmayan ifadəni ''oğurlayaraq'' şəkilin üzərində ''hekayəmizi anlatmağın zamanı gəldi Alioski'' yazaraq ora gülüş smaylikləri qoyub. Elə şimali makedoniyalı futbolçu da bunu öz səhifəsində paylaşıb. Xatırladaq ki, özəl həyatı ilə tez-tez gündəmə gələn və son olaraq Şakira ilə eşq macərası yaşadığı iddia edilən Kasilyas oktyabrın 9-da öz səhifəsində böyük sensasiyaya səbəb olan ''ümid edirəm ki, mənə hörmətlə yanaşacaqsız. Mən cinsi azlıq nümayəndəsiyəm'' paylaşımını etmişdi. Daha sonra ''Barselona''nın əfsanəsi, uzun illər Kasilyas ilə İspaniya yığmasında birlikdə forma geyən Puyol həmin paylaşıma ''hekayəmizi anlatmağın zamanı gəldi'' şərhini yazmışdı. Amma çox keçmədən ''Real''ın əfsanəsi bu paylaşımını sildi. O, hesabının oğurlandığını bildirərək bütün təqibçilərindən və LQBT nümayəndələrindən üzr istədi.