İspaniyanın məşhur "Marca" nəşri "Atletiko"nun (Madrid) Belçika "Brügge"sinə qarşı Çempionlar Liqasının qrup mərhələsindəki oyunları ilə bağlı geniş yazı dərc edib.

Football-plus.az, nəşr Madrid təmsilçisinin hər iki görüşdə rəqib qapısına yol tapa bilmədiyini xatırladıb.

Burada belçikalı qapıçı Simon Minyolenin çıxışı xüsusi qeyd olunub.

Oyun "Atletiko"nun 2017/18 mövsümündə "Qarabağ"a qarşı Çempionlar Liqasının qrup matçları ilə müqayisə edilib. Məqalənin başlığında "Minyole "Qarabağ" kabusunu unutdurdu" yazılıb.

Qeyd edək ki, 3-cü turda Belçikada rəqibinə 0:2 hesabı ilə uduzan "Atletiko" 4-cü turda evdə qolsuz heç-heçəyə razılaşıb. "Qarabağ" isə 5 il əvvəl Çempionlar Liqasının qrup mərhələsinin hər iki qarşılaşmasında "Atletiko" ilə bərabərə qalmışdı - 0:0 və 1:1.