Pikenin oteli məzarlığın üzərindəymiş

Xerard Pikenin başına qəribə iş gəlib.

Football-plus.az xəbər verir ki, “Barselona”nın müdafiəçisinə məxus otelin həyətində məzarlıq aşkarlanıb.

“Marca” qəzetinin yaydığı xəbərə görə, onun 2015-ci ildə Malaqadakı Kosta del Sol bölgəsində aldığı otelin altından nə az, nə çox - 250 məzar tapılıb.

Pike onda bu otel üçün 20 milyon avro xərcləmişdi. Ərazidə çalışan arxeoloq Alberto Kumpianın bildirdiyinə görə, məzarların çoxunun içi boşdu. İndi həmin məzarların neçənci əsrdən qaldığı araşdırılır.