"Hələ 3 ay öncədən “Şamaxı"dan ayrılmaq istəmişdim" - Pərviz Azadov
“Şamaxı” bir neçə gün öncə Pərviz Azadovla müqaviləyə qarşılıqlı razılıqla xitam verdi.
Football-plus.az xəbər verir ki, gənc futbolçu ilə yolların ayrılması gözlənilməz oldu. Çünki bölgə təmsilçisi cari mövsümdə ancaq yerli oyunçuların xidmətindən yararlanır. Maraqlıdı, onun ayrılmasına nə səbəb olub? Pərviz bundan sonra karyerasını hansı klubda davam etdirmək istəyir? Ümumiyyətlə, təklif var?
Bu suallarla Pərviz Azadova müraciət etdik:
"Hələ 3 ay öncədən “Şamaxı"dan ayrılmaq istəmişdim. Sadəcə, onda razılıq vermədilər. Məşqçilərlə söhbətimiz oldu, komandada qalmağım məsləhət görüldü. Daha sonra zədələndim. Bu səbəbdən məşqlərə də qoşula bilmirdim. Bundan sonra Cavid Hüseynovla danışdım və bu dəfə getməyimə qarşı çıxmadı. Ona görə də yolları qarşılıqlı razılıq əsasında ayırdıq. Hazırda bərpa dövrü keçmək istəyirəm. Bu üzdən hansı kluba keçəcəyim barədə bir şey deyə bilmərəm. Amma danışıq apardığım bir neçə komanda var".
ŞAİR ABDULLA
Digər xəbərlər
