“Bu tədbir Azərbaycanın həm idman, həm də ictimai-siyasi həyatında mühüm və möhtəşəm hadisədi. Bu ilin mayında ulu öndər Heydər Əliyevin il dönümünə həsr olunmuş yarış ilk dəfə işğaldan azad olunmuş Suqovuşanda keçirildi. Həmin dövr üçün bu sadəcə bir idman hadisəsi deyildi. Həm də tədbirə qatılmış ölkələr, dünya ictimaiyyəti üçün mesaj idi ki, Azərbaycan azad etdiyi torpaqlardan insanlar, sülh, yarışlar üçün necə istifadə edir.

Dünən bir neçə ölkənin federasiya nümayəndələri ilə görüşdük. Hamısı Azərbaycanı, onun rəhbəri, Ali Baş Komandanı təbrik edirdi. Onlar ölkəmizin əldə etdiyi uğura sevinirdilər. Bir daha həm Mingəçevir, həm də idman ictimaiyyətini təbrik edirəm. Federasiya qısa zamanda böyük uğurlara imza atıb. Əminik ki, bu uğurlar davam edəcək. Bilirsiz ki, 2023-cü ildə Ulu Öndərin 100 illiyidi. İnanıram ki, bu yarışlar gələn il burda daha yüksək səviyyədə təşkil olunacaq".