Daha bir rus tennisçi Qazaxıstanı seçdi
Rusiyanın Ukraynaya qarşı apardığı ədalətsiz müharibə öz vətəndaşlarını belə çətin seçim qarşısında qoyur.
Rusiyalı Aleksandr Şevçenko Qazaxıstan Tennis Federasiyasına (QTF) müraciət edərək idman vətəndaşlığını dəyişmək istədiyini bildirib. Bununla bağlı xəbəri adı çəkilən qurumun saytı yayıb:
“Kütləvi informasiya vasitələrində rusiyalı tennisçi Aleksandr Şevçenkonun idman vətəndaşlığını dəyişməsi və bundan sonra Qazaxıstan adından çıxış edəcəyi ilə bağlı informasiya yayılıb. Qazaxıstan Tennis Federasiyası bəyan edir ki, həqiqətən Aleksandr Şevşenkodan bizə müraciət daxil olub və hazırda baxılır. Nəzərə almaq lazımdı ki, ölkəniz adından çıxış etmək istəyən tennisçilərin müraciətləri vaxtaşırı QFF-yə daxil olur. Hər müraciətə diqqətlə və ölçülü-biçili baxılır. QFF-nin bayrağı altına keçidlə bağlı hansısa yenilik olarsa, federasiya bu haqda azarkeşlərə xəbər verəcək”.
Bildiyiniz kimi, bu, rusiyalı tennisçilərin Qazaxıstan bayrağı altında çıxış etmək istəyi ilə bağlı ilk müraciət deyil. Moskvada dünyaya gələn, ancaq yarışlarda Qazaxıstan adından çıxış edən Yelena Rıbakinanın iyulun əvvəlində “Böyük dəbilqə” turnirlərindən “Uimbldon”u qazanması bu iki ölkədə böyük səs-küy doğurmuş, fərqli açıqlamalarla müşayiət olunmuşdu. Bu rusları da heç cür anlamaq olmur. Vaxtilə perspektivinə inanmadıqları idmançıları əldən verir, sonra belələri uğur qazananda da göz yaşı tökürlər. O məşhur filmin adını bir qədər dəyişib belə də demək olar: Moskvanın göz yaşına inanan yoxdu!
Digər xəbərlər
