“Sabah”la oyunu şans sayır - AÇIQLAMA
Dünən Azərbaycan kubokunda yeni mövsümün püşkü atıldı.
Bu il turnirdə 1-ci diviziondan 4 komanda iştirak edəcək. Onlardan biri olan “Qaradağ Lökbatan” 1/8 finalda premyer-liqada çempionluğa namizədlərdən “Sabah”la qarşılaşacaq.
“Qaradağ Lökbatan”ın baş məşqçisi Səbuhi Həsənovun püşkə münasibəti necədi? “Sabah”la matç üçün xüsusi hazırlıq planı var? Bu haqda məlumat almaq üçün mütəxəssislə əlaqə saxladıq. Onun “Football-plus.az” saytına açıqlaması belə oldu:
“Püşk atıldı, bizə də “Sabah” düşdü. Çalışacağıq layiqli mübarizə aparaq. Rəqibimiz dünən məlum oldu. Bu gün istirahət edirik, sabahdan isə məşqlərə başlayacağıq. Xüsusi planımız yoxdu, “Qaradağ Lökbatan” olaraq öz oyunumuzu oynayacağıq. Əlbəttə, premyer-liqada öndə gedən komandalardan biridi. Bu komandaya rəqib olmaq futbolçular üçün özlərini yaxşı tərəfdən göstərmək baxımından bir şansdı. “Sabah” yaxşı komandadı. Biz də əlimizdən gələn qədər yaxşı mübarizə aparmağa çalışacağıq”.
ŞAİR ABDULLA
Digər xəbərlər
