“Öncə onu deyim ki, komandamız başqalarına nisbətən gec yığışdı, məşqlərə gec başladıq. Bəzi oyunçular da komandaya gec qoşuldu. Vaxtında təlim-məşq toplanışı keçə bilmədik. Bu da dediyim səbəblərlə bağlı idi. Lakin hazırda hər şey yaxşıya doğru gedir. İlk 2 turdakı nəticələrdən, əlbəttə, razı qalmadıq. Amma hər iki oyunda üstün idik. Qol imkanlarından yararlana bilmədik. Ümid edirik ki, növbəti turlardan çempion komandanın oyunu görünəcək. Bunu məşqlərdə də görmək mümkündü”.