Premyer-liqanın “Liverpul”la oyununda bu mövsüm ilk dəfə uduzan (0:1) “Mançester Siti” rəqibdən daha bir zərbə alıb.

Qonaq komandanın avtobusu hücuma məruz qalıb. “Manchester Evening News” qəzetinin yaydığı xəbərə görə, MS “Enfild”də keçirilən matçdan sonra stadiondan ayrılarkən avtobusa əşyalar atılıb. Əşyalardan biri nəqliyyat vasitəsinin ön şüşəsini zədələyib.

Yeri gəlmişkən, “Liverpul”un azarkeşləri 2018-ci ildə Çempionlar Liqasının 1/4 finalında keçirilən MS ilə matçdan (3:0) sonra da rəqib avtobusuna belə hücum etmişdilər. UEFA həmin hadisəyə görə “Liverpul”u cəzalandırmışdı.