Tovuzda futbolun necə sevildiyini, bölgənin təmsilçisinin hər oyununun dolu tribinalar qarsışında keçdiyini hamı bilir.

Paytaxtda çempionat matçlarına daha çox yeniyetmə və gənclərin gəldiyini görə biləriksə, “boz qurdlar” azarkeşləri arasında hər yaşda tərəfdar görmək mümkündü. Bu dəfə “Turan Turan” – “Səbail” matçını izləmək üçün səfər etmişdim. Stadionda gördüyüm mənzərə məni təəccübləndirmədi. Yenə azarkeş dolu tribuna, çılğın fanatlar... Ancaq bir məqam diqqətimi cəlb etdi. Yaşlı bir kişi gəncin köməyi ilə tribunada yerini tutmağa çalışırdı. Özlüyümdə “görəsən, ağsaqqalın neçə yaşı var” fikirləşib istər-istəməz ona yaxınlaşdım. Və onunla qısa söhbətdə məlum oldu ki, Kamal babanın 85 yaşı var və “Turan Tovuz”un əksər ev oyunlarını stadiondan canlı izləyir.

Artıq heç nə deyə bilmədim... Kamal babanın “futbol sevgisi”nin təsiri altında heç-heçə başa çatan qarşılaşmanı izlədim.

RƏŞAD, Tovuz