Sentyabrın 30-da yığmanın baş məşqçisi Canni de Byazinin müqaviləsinin müddəti bitir.
Football-plus.az xəbər verir ki, italiyalının postunda qalıb-qalmayacağı hazırda gündəmdə olan məsələlərdəndi. Onun gələcək taleyi ilə bağlı AFFA İcraiyyə Komitəsinin üzvü Vaqif Sadıqova müraciət etdik:
"Oktyabrın 1-nə kimi millinin baş məşqçisi Canni de Byazidi. Ona görə də indidən nəsə demək qeyri-etikdi. Hələ AFFA İcraiyyə Komitəsinin iclasının tarixi də açıqlanmayıb. Çoxları deyir ki, De Byaziylə müqavilə yenilənməməli, yola salınmalıdı. Həmin şəxslərə üzümü tutub deyirəm, hələ iclasımız baş tutmayıb, müzakirə aparılmayıb. Bəlkə De Byazi burda qalmaq istəmir, hardan bilirsiz? Hər gün bununla bağlı media nümayəndələrinin ünvanladığı suallarla üzləşirik. Artıq bezmişik eyni sualdan və cavab verməkdən. Bütün məsələlərə okyabrın 1-dən sonra geniş müzakirələrdən sonra aydınlıq gələcək".
ABDULLA İSMAYILOĞLU