"Barselona" Çempionlar Liqasının 3-cü turunda "İnter"lə oyunun hakim idarəçiliyinə görə UEFA-ya rəsmi şikayət edəcək.

"Footbal-plus.az" xəbər verir ki, bu haqda "AS" nəşri məlumat yayıb. Bildirilir ki, Kataloniya təmsilçisinin 0:1 hesabı ilə uduzduğu bu matçın 90-cı dəqiqəsində cinahdan ötürülən top öz cərimə meydançasında olan “İnter”in müdafiəçisi Denzel Dumfrisin əlinə dəyib. VAR-a baxıldıqdan sonra baş hakim Slavko Vinçiç (Sloveniya) penalti təyin etməyib.

Məlumata görə, "Barselona" bundan sonra öz oyunlarına "İnter"lə matçın VAR hakimi olan Pol van Bukelə (Niderland) təyinat verilməməsini ahiş edəcək. Məsələ burasındadır ki, o, "Barselona" "Bavariya" ilə oyununda (0:2) da hakim olub və katoloniyalıların fikrincə, Usman Dembeleyə qarşı qayda pozuntusu zamanı rəqib qapıya penalti təyin etməyib.

"Barselona" həmçinin Pedrinin qol epizodu zamanı Ansi Fatinin əllə oynaması, Hakan Çalhanoğlunun ("İnter") Serxio Busketsin ayağına qarşı "podkat"la oynaması epizoduna baxılmasını xahiş edəcək.

Qeyd edək ki, matçdan sonra keçirilən mətbuat konfransında "Barselona"nın baş məçqçisi Xavi hakimlərin komandasına haqsızlıq etdiyini söyləyib.