"Ağdamlılar ikinci heyətlə oynayanda da qarşısıalınmazdı" - Hüseyn Məhəmmədov
Yığmanın Millətlər Liqasındakı oyunları ilə bağlı Misli premyer-liqasında fasilə yaranmışdı.
Football-plus.az xəbər verir ki, dünən start götürən 8-ci turun əsas oyunu, heç şübhəsiz, "Qarabağ"la "Neftçi" arasında baş tutacaq. Bunu nəzərə alıb hər iki komandanın sabiq futbolçularına tribuna verdik. Azərbacan derbisində kimi favorit saydığını 17 yaşadək futbolçulardan ibarət yığmanın qapıçılar üzrə məşqçisi Hüseyn Məhəmmədovdan soruşduq:
"Azərbaycan derbisidi. Bu komandalar arasında istər premyer-liqa, istər kubok, istərsə də yoldaşlıq oyunları olsun, daim gərgin və maraqlı keçib. İllərlə "Neftçi"nin qapıçısı kimi "Qarabağ"a qarşı keçirdiyimiz matçların nə qədər ağır, mübarizəli olduğunu görmüşəm. Şanslara gəlincə, "Qarabağ"ın səviyyəsi hamıya bəllidi. Ağdamlılar ikinci heyətlə oynayanda da qarşısıalınmazdı. Deyərdim ki, "köhlən atlar"da 1-ci və ya 2-ci heyət anlayışı yoxdu. Bütün futbolçuları, əsasən də legionerləri qalan klubların oyunçularından üstündü. Evdə oynadığını da nəzərə alsaq, "Qarabağ"ın qələbə qazanacağı daha inandırıcıdı. Şansları 60-ın 40-a meydan sahiblərinin xeyrinə görürəm. Düzdü, Ağdam təmsilçisinin bir çox futbolçusuı yığmanın toplanışından qayıdıb. "Neftçi"də isə millidən qayıdanlar azdı. Düşünmürəm ki, bu amil meydan sahiblərinə çətinlik yarada. Çünki millinin düşərgəsindən qayıdan futbolçuların hamısı yaxşı əhval-ruhiyyədədi. Hər iki komandaya uğur arzulayır və gözəl futbol izləyəcəyimizə inanıram".
ABDULLA İSMAYILOĞLU
Digər xəbərlər
