Bu gün “Turan Tovuz” Elxan Məmmədov adına Tovuz şəhər tam orta məktəbinin qonağı olub.

Məktəbin direktoru İlhamə Zeynalova, müəllim və şagird heyəti, baş məşqçimiz Ayxan Abbasov, akademiya koordinatoru Rasim Əliyev, futbolçularımız Şəhriyar Əliyev, Kamal Bayramov, Cavid Tağıyev, Natan Oduva və Henri Okebuqvu ilə birlikdə məktəbin akt zalında görüş keçirilib. Baş məşqçimiz Ayxan Abbasov dəvətə və qonaqpərvərliyə görə məktəb rəhbərliyinə minnətdarlığını bildirib, komanda haqda ətraflı məlumat verib. 1 saatdan çox davam edən görüşdə müəllim və şagird heyətinin sualları cavablandırılıb. Belə tədbirlərin mütəmadi təşkil olunması xüsusi vurğulanıb. Sonda məktəb rəhbərliyinə klubumuzun atributları hədiyyə olunub, xatirə şəkli çəkilib.