Laurentsiu Regekampf "Neftçi"dən ayrıla bilər.

Football-plus.az xəbər verir ki, rumın mütəxəssisin ölkəsininn millisini çalışdırmaq ehtimalı var.

Bu barədə "Prosport.ro" məlumat yayıb. İddia edilir ki, 47 yaşlı mütəxəssis Rumıniya Futbol Federasiyasının prezidenti Razvan Burleanunun namizədləri siyahısındadı.

Yığmanın hazırkı baş məşqçisi Edvard Yordanesku istefaya göndərilsə, komanda 5 mütəxəssisdən birinə tapşırılacaq. Namizədlər George Haci, Viktor Pitsurka, Kosmin Olariu, Dan Petresku və Regekampfdı.

Mövsümün əvvəlindən "Neftçi"ni çalışdıran mütəxəssisin klubla müqaviləsi 2024-cü ilin yayınadək nəzərdə tutulub.