"Barselona"nın və Uruqvay millisinin müdafiəçisi Ronald Arauxo zədələnib.

O, milli komandanın düşərgəsində ciddi xəsarət alıb. 23 yaşlı futbolçuya sağ budda sınıq diaqnozu qoyulub. Bu, əzələ vətərinin bağlandığı yerdə sümük hissəciklərinin qopmasıdı. Arauxo bu zədəni İran yığması ilə yoxlama oyunu zamanı alıb.

Bu diaqnozla futbolçunun əməliyyata ehtiyacı var. Lakin Qətərdə keçiriləcək dünya çempionatında iştirak etmək üçün Ronald belə bir tədbirdən imtina edib.