Qara Qarayev qələbəni əsgər və şəhidlərimizə həsr etdi
"Qarabağ"ın futbolçusu Qara Qarayev Avropa Liqasının qrup mərhələsinin 2-ci turunda "Nant"ı məğlub etdikləri matçdan (3:0) sonra instaqramda paylaşım edib.
"Football-plus.az" xəbər verir ki, "atlılar"ın kapitanı qələbəni əsgərlərə və şəhidlərimizə həsr etdiklərini yazıb:"Neçə gündür yaşadığımız ağır və çətin günlərdə bu qələbə ilə xalqımıza az da olsa sevinc bəxş edə bildiyimizə ümid edirik. Qələbəmizi qəhrəman şəhidlərimizə və vətənimizin keşiyində duran cəsur əsgərlərimizə həsr edirik, qarşılarında baş əyirik.
Bizə verdiyiniz dəstəyə görə, bizi bu gün stadionda tək qoymadığınıza görə azarkeşlərimizə də dərin təşəkkürlərimizi bildiririk".
Digər xəbərlər
