Çexiyanın paytaxtı Praqada keçirilən gənclər arasında cüdo üzrə Avropa çempionatı davam edir.
Təmsilçimiz Turan Bayramov yarışın finalına yüksəlib. 60 kq-da çıxış edən idmançımız yarımfinalda ukraynalı Nazar Viskovla qarşılaşıb. Rəqibini "ippon"la məğlub edən Bayramov finala yüksəlib. O, həlledici görüşdə polşalı Ksaveri İqnasyakla üz-üzə gəlib. Bu görüşdə məğlub olan Bayramov gümüş medal qazanıb.