Region Liqasında iştirak edən komandalara gündən-günə diqqət artır.

Hazırda ən çox maraq dairəsində olan “Energetik”di. Redaksiyamıza Mingəçevir klubu ilə bağlı məlumat daxil olub. “Nur şəhəri”nin təmsilçisi fəaliyyətini dayandırır. Komanda Region Liqasında çıxışını bitirəndən sonra bunu rəsmən elan edəcək.

Lakin mingəçevirlilər üzülməsin. Şəhərdə yeni komanda fəaliyyət göstərəcək. Sadəcə, fərqli ad və rəhbərliklə. Mənbənin verdiyi məlumata görə, “Mingəçevir”in yaradılması ilə bağlı işlər start götürüb. Klub 2-3 gün ərzində Ədliyyə Nazirliyindən qeydiyyatdan keçəcək.

“Mingəçevir”də Müşahidə Şurası yaradılacaq. Qurumun sədri hazırda hakim-inspektor kimi oyunlara təyinat alan Rövşən Əhmədov olacaq. Bundan əlavə, Müşahidə Şurasında daha 5 nəfər yer alacaq ki, onların hamısı şəhərin imkanlı şəxsləri və İqtisadiyyat Nazirliyində çalışan səlahiyyətli şəxs olacaq.

Komanda növbəti mövsüm 1-ci divizionda çıxış edəcək. Artıq klubun büdcəsi də bəllidi. AFFA “Zaqatala”ya olduğu kimi, “Mingəçevir”ə də 200 min manat ayrılacaq.

İLKİN SULTANLI