''Praqalılarla görüşümüz cümə axşamı saat 22.00-da başlayacaq. Oyun gec bitəcək. Futbolçular ən yaxşı halda saat 03.00-04.00-da yuxuya gedəcək. Cümə günü ancaq komandanı toplayıb yüngül bir məşq keçə biləcəyik. Elə şənbə günü də yalnız bir yüngül məşqimiz olacaq. Belə bir durumda superliqadakı oyunumuzu bazar günü saat 17.00-a salmağın nə mənası var? Heç olmasa, oyunumuzu axşama salın. Bildiyimizə görə, ''İstanbulspor'' matç gec oynanılacağı təqdirdə təyyarə ilə qayıda bilməyəcəyi üçün narazılıq edib və bu üzdən federasiya oyunu 17.00-a salıb. Amma ötən həftə ''Fatih Karagümrük'' bizim qonağımız olduqdan sonra Sivasda bir gün gecələdi və növbəti gün ayrıldı. Və yaxud biz də ''Beşiktaş''la oyundan sonra bir gün İstanbulda qalası olduq. ''İstanbulspor'' da bir gün sonra dönsə, nə olacaq? Nədənsə federasiya təqvimimizə barmaqarası yanaşır. Bu həftə bizim kimi ''Trabzonspor'' və ''İstanbul BŞ'' də avrokubok matçı keçirəcək. Amma onların çempionat oyunu bazar ertəsinə salınıb. ''Fənərbaxça''nın bu həftə zatən superliqada oyunu yoxdu. Bizim də oyunumuzu bazar ertəsinə salsınlar. Oyunçularımıza münasibətdə haqsızlıq edilir. Bu komanda daha çox hörmətə layiqdi. Çünki elə də böyük olmayan büdcə ilə həm Avropada, həm də daxili turnirlərdə oynamağa çalışırıq. Ortada bir reallıq var ki, iki gündən bir oyun keçirmək mümkün deyil''.