Onun vəkili Fərid Haqverdiyev bu haqda sosial şəbəkə hesablarında paylaşım edib. CAS qərarın verilmə tarixini oktyabrın 13-dək uzadıb. Əslində isə qərar sentyabrın 11-də açıqlanmalıydı.
Xatırladaq ki, UEFA 44 günlük Vətən müharibəsi zamanı "feysbuk" hesabında ermənilərlə bağlı paylaşımına görə Nurlan bəyi futboldan ömürlük uzaqlaşdırıb. “Qarabağ” isə 100 min avro cərimələnib. İbrahimov ötən il yanvarın 19-da Ağdam təmsilçisindən ayrıldığını açıqlayıb. CAS qərarın açıqlanmasını daha əvvəl 7 dəfə təxirə salıb. Səbəbkar da “feysbuk” hesabında yeni təxirəsalmaya münasibət bildirib:
“CAS 8-ci (!) dəfə qərarı açıqlamağı təxirə saldı, bu dəfə oktyabrın 13-nə. Ümid sonda ölür, ölməyəcək. CAS, sən ədaləti bərpa edəcəksən. Ümid qədər inanıram sənə”.
