Nurlan İbrahimovla bağlı prosesdə təxirəsalmaların səbəbi nədi? – VƏKİL AÇIQLADI
Artıq 2 ilə yaxındı ki, “Qarabağ”ın sabiq mətbuat katibi Nurlan İbrahimov futboldan ömürlük kənarlaşdırılıb.
“Football-plus.az” xəbər verir ki, 2 gün öncə İdman Arbitraj Məhkəməsi onunla bağlı qərarın verilməsini 5-ci dəfə təxirə saldı. Nurlan bəyin vəkili Fərid Haqverdiyev redaksiyamızla əlaqə saxalayaraq bu prosesin detallarını açıqladı: “Bu işə 3 hakimdən ibarət tərkib baxır. Onlardan biri bu heyətin prezidentidi. O, müraciət edir apellyasiya bölməsinin rəhbərinə. Əsaslandırılmış məktub təqdim edir ki, iş hansı səbəbdən hazır deyil. Burda bir məsələ var ki, həmin məlumatı biz görmürük. Yəni səbəbi bilmirik. Həmin məktub əsasında da İdman Arbitraj Məhkəməsinin rəhbəri qərar verir ki, müddət yenidən uzadılsın. Bu səbəbdən də təxirəsalmalar baş verir. Bizim yekun gözləntimiz budu ki, İdman Arbitraj Məhkəməsi ədalətli qərar versin”.
İLKİN SULTANLI
Digər xəbərlər
