“Daha yüngül rəqib düşə bilərdi. Nə edə bilərik, “Hayduk” düşdü. Ötənilki rəqibimiz “Alkmaar”la müqayisə olunacaq komanda deyil. Ona görə belə rahat danışıram ki, builki heyətimiz yetərincə təcrübəlidi, milli komandanın üzvlərindən ibarətdi. Şansları bərabər dəyərləndirirəm. Yəni, keçə biləcəyimiz rəqibdi. Oyunda hər şey görünəcək. Çalışacağıq ki, ölkəmizi, klubumuzu layiqincə təmsil edək. Hazırda sənədləşmə işləri ilə yanaşı, məşqlərə də start vermişik. Məqsədimiz ilk mərhələdə maksimum nəticə qazanmaqdı. İlk oyunu rəqib meydanında keçirəcəyik. Fikrimcə, bu da bizim üçün üstünlükdü. Çünki ilk oyunda rəqibi təhlil etmək o qədər də asan deyil. Orda nəticə qazana bilsək, Qəbələdəki cavab matçı həlledici ola bilər”.