"Qəbələ"nin Gənclər Liqasında rəqibləri müəyyənləşir

Bu gün UEFA Gənclər Liqasında Çempionlar yolunun püşkü atılacaq.

"Footbal-plus.az" xəbər verir ki, Bakı vaxtı ilə saat 15.00-da başlayacaq tədbirdə ilk iki mərhələnin cütləri müəyyənləşəcək.

Azərbaycan Gənclər Liqasının çempionu “Qəbələ”nin ilk mərhələdə üz-üzə gələcəyi komanda, həmçinin növbəti raunddakı mümkün rəqibi də bəlli olacaq.

Püşk öncəsi komandalar 4 qrupa bölünüb. 3-cü “səkkizlik”də yer alan “Qəbələ”nin U-19 komandasının 7 mümkün rəqibi bunlardı:

“Rux” (Ukrayna)

MTK (Macarıstan)

“Zaqlebiye” (Polşa)

“Hayduk” (Xorvatiya)

“Trençín” (Slovakiya)

“Jalgiris” (Litva)

“Yelqava” (Latviya).

Qeyd edək ki, birinci mərhələnin oyunları sentyabrın 14-də və oktyabrın 5-də keçiriləcək. İkinci raund oktyabrın 26-da və noyabrın 2-də oynanılacaq.