Şensoy “Qarabağ”ı “Fənərbaxça”ya nümunə göstərdi – AÇIQLAMA
Vaxtilə “Turan Tovuz”un baş məşqçisi olan Naci Şensoy “feysbuk” səhifəsində maraqlı paylaşımla diqqəti cəlb edib.
“Football-plus.az” xəbər verir ki, mütəxəssis “Qarabağ”ın Çempionlar Liqasında pley-off mərhələsinə yüksəlməyinə biganə qalmayıb. Şensoy “köhlən atlar”ı 2-ci təsnifat mərhələsində mübarizəni dayandıran “Fənərbaxça” ilə müqayisə edərək bunları yazıb:“Ferentsvaroş” 1:3 “QARABAĞ”
Çempionlar Liqasında 3-cü təsnifat mərhələsini keçən Azərbaycan təmsilçisi qrupa vəsiqə qazanmaq üçün pley-off oyunları oynayacaq. Həm də 10-15 milyon avro büdcə ilə. Həmçinin əsas heyətində 6 yerli futbolçu oynadaraq. “Fənərbaxça”mız isə 120 milyon avro büdcə ilə hələ 2-ci təsnifat mərhələsində “Dinamo”ya (Kiyev) məğlub olaraq mübarizədən kənarlaşdı! “Fənərbaxça”nın heyətində 21 əcnəbi futbolçunun yer aldığını deməyə ehtiyac var?!
Təbriklər, “Qarabağ”! Təbriklər, Azərbaycan! Təbriklər, rasional idarəetmə anlayışı!
P.S. Bəli, çox sadə. Deməli, pul çox şey deməkdi, amma hər şey deyil!”
