"Səviyyə fərqi öz sözünü dedi" - Vüqar Əsgərli
Misli premyer-liqasında 1-ci turun görüşləri keçirilir.
Günün ilk matçında "Şamaxı" "Neftçi"yə məğlub olub - 0:1. Qarşılaşmadan sonra meydan sahiblərinin çalışdırıcısı Vüqar Əsgərlinin mətbuat konfransı keçirilib. Mütəxəssis oyun barədə fikirlərini bölüşüb:
"Biz gec toplaşmışdıq. İstərdik ki, vaxtımız olsun. Neftçiyə qarşı oyunlar həmişə çətin keçib. Bizi nə qədər çətin matçın gözlədiyini bilirdik. İlk hissə yaxşı oynadıq. Təəssüflər olsun ki, fasilədən sonra səviyyə fərqi öz sözünü dedi. Çatışmazlıqları transfer pəncərəsi bitənə qədər həll edəcəyik".
Baş məşqçi media nümayəndələrinin suallarını da cavablandırıb...
- Neçə transfer etmək lazımdı ki, komanda düzəlsin?
- Hücumçu axtarırıq. Bu mövqedə yalnız Amil Yunanov çıxış edir. 6 ay ərzində yerlilərlə oynayacağıq.
- Nə üçün Rəşad Əzizli yox, Əkpər Vəliyev qapıda dayanmışdı. Qolda da onun səhvi var idi...
- İstəyirik ki, gənc futbolçuların hamısı oynasın. Qapıçı məşqçimizlə məsləhətləşdik. O, Əkpəri məsləhət gördü. Səhvlər qaçınılmazdı. Bunları aradan qaldırmağa çalışacağıq.
İLKİN SULTANLI
Digər xəbərlər
