PFL-in yeni prezdenti Ramin Musayevin komandası ilə yola davam edəcək? - AÇIQLAMA
Ramin Musayevin PFL prezidenti olduğu dönəmdə ən uğurlu gedişlərindən biri ətrafına işini bilən kadrları toplaması oldu.
Yaşından asılı olmayaraq, insan bacarıqlıdısa, öhdəsinə düşən işi layiqincə yerinə yetirə bilirsə, onun rəhbərlik etdiyi qurumda çalışırdı.
Görəsən, ötən həftənin cümə günü PFL-in prezidenti seçilən Elxan Səmədov kollektivlə tanış olmağa imkan tapıb? Bu suala aydınlıq gətirmək üçün qurumun Mətbuat və İctimaiyyətlə Əlaqələr Departamentinin rəhbəri Aslan Şahgəldiyevin fikirlərini öyrəndik. Onun “Football-plus.az” saytına açıqlamasına keçid alaq:
“Elxan müəllimin otağında kollektivlə tanışlıq görüşü oldu. Gələcək fəaliyyət istiqamətini, yeni mövsümü müzakirə etdik. Çempionatın startı ərəfəsində problemin olub-olmadığı ilə maraqlandı. Adətən yeni rəhbər gələndə necə olursa, bizim də görüşümüz o ab-havada keçdi”.
Adətən Azərbaycanda yeni vəzifəyə gələn rəhbərin ilk işi xələfinin kadrlarını uzaqlaşdırmaq, onların əvəzinə özünə yaxın bildiyi şəxsləri ətrafına toplamaq olur. Maraqlıdı, Səmədov da eyni addımı atacaq? Bu sualımıza Şahgəldiyevin cavabı belə oldu:
“Bununla bağlı hələ ki bir yenilik yaşanmayıb. Belə deyək, bu yöndə məndə hansısa məlumat yoxdu. Gələcəkdə necə olacağını isə zaman göstərəcək”.
RƏŞAD
Digər xəbərlər
